Услуги

Адвокатската канцеларија нуди стручна анализа и проценка на спорови, со цел на клиентите да им обезбедиме детални правни совети, правна сигурност уште пред да се започне било каква постапка.

Оваа услуга овозможува:

• Да добиете јасна слика за вашата правна положба,
• Да ги процените шансите за успех во спорот,
• Да донесете правилна одлука – дали да започнете постапка, да се спогодите или да барате алтернативно решение.

Што добивате:

✔ Анализа на факти и документи
✔ Правна проценка заснована на закони и судска пракса
✔ Стратешки насоки за понатамошно дејствување
✔ Предлог за најповолно и најекономично решение
✔ Превентивни совети за избегнување идни спорови

Адвокатската канцеларија обезбедува стручно и одговорно застапување на физички и правни лица пред сите судови во Република Северна Македонија. Нудиме целосна правна поддршка во граѓански, трговски, управни и прекршочни постапки, со цел заштита на интересите на клиентот во секој чекор од постапката.

Нашиот пристап се заснова на темелна подготовка, аналитичко пристапување кон правните прашања и професионално застапување пред судските органи.

Нашите услуги опфаќаат:

• Подготовка и поднесување на тужби, приговори, жалби и други процесни поднесоци
• Застапување на рочишта и усни расправи
• Правна анализа и оценка на доказите
• Составување на стратешки план за водење на постапката
• Следење на процесни рокови и редовно информирање на клиентот за текот на постапката

Работните односи се еден од најчувствителните аспекти на правниот систем, кои бараат внимателен и балансиран пристап. Без разлика дали сте вработен кој се соочува со повреда на своите права, или работодавач кој сака да обезбеди законито и ефикасно управување со човечкиот капитал – нашата адвокатска канцеларија е тука да ви понуди стручна правна поддршка.

Доколку сметате дека се повредени вашите права на работното место, нашата адвокатска канцеларија ви стои на располагање за стручна и навремена правна помош.

Обезбедуваме застапување во случаи на:

1. Правна поддршка за РАБОТНИЦИ:

• Отказ,
• Неисплатени плати, надоместоци или придонеси,
• Повреда на права од договорот за вработување,
• Мобинг, дискриминација и/или вознемирување на работното место,
• Повреда на право на годишен одмор, боледување или плата за празници
• Помош и советување во случаи на повреда на работно место
• Поништување на дисциплински постапки или одлуки донесени спротивно на законот.

2. Правна поддршка за РАБОТОДАВАЧИ:

– Изработка и усогласување на договори за вработување

– Советување при дисциплински постапки и откази

– Советување при спроведување на стандардите за безбедност и здравје при работа,

– Застапување во спорови пред суд и трудов инспекторат

– Изготвување на интерни акти (правилници, решенија, одлуки)

– Превенција од мобинг и дискриминација,

– Поддршка при преструктурирања, намалување на бројот на вработени и колективни договори

Адвокатската канцеларија нуди:

• советување и составување на сите видови тужби за заштита на правото на сопственост, сосопственост и етажна сопственост,
• заштита на правото на владение,
• совети во поглед на стекнувањето, заштитата и престанок на правото на сопственост и другите стварни права,
• Правна поддршка за користење и заштита на службностите
• Оспорување и утврдување на право на залог врз движни и недвижни ствари,
• составување на договори за пренос на правото на сопственост вклучувајќи ги и правните аспекти при купопродажба,
• застапување во постапката пред Град Скопје и солемнизација (пред надлежен Нотар) на склучени договори,
• детален преглед на недвижностите и правата кои ги товарат вклучувајќи ги сите правни проблеми и/или обврски,
• застапување во судски спорови,
• советување во постапка за запишување на правата врз недвижности,
• преглед и детална анализа на целосната документација поврзана со правото на сопственост, сосопственост и етажна сопственост. 

Советување во поглед на правата кои ги имаат Потрошувачите согласно Законот за заштита на потрошувачите Помош при враќање, замена или поправка на неисправен производ, правна заштита во случаи на неисполнување на договорните обврски од страна на трговците, Советување за надомест на штета (материјална или нематеријална штета), условите за трговско работење што се од значење за заштита на правата на потрошувачите како и совети и преземање на дејствија во поглед на надлежностите кои ги имаат органите на државната управа во однос за заштитата на потрошувачите. Подготовка и поднесување на формални приговори до трговци и даватели на услуги

Жалби до надлежни институции за заштита на потрошувачи (на пример, Агенција за заштита на потрошувачи), Следење на постапката и застапување пред институции.

Адвокатската канцеларија нуди целосна правна поддршка за странски клиенти кои сакаат да живеат, работат или инвестираат во Република Северна Македонија. Односно:

• Регулација на привремен и постојан престој (привремен престој може да се одобри поради вработување или соработка, студии и обука, брак, бизнис и инвестиции, хуманитарни причини и др. Оправдани ситуации)
• Дозволи за работа (лична дозвола за работа или Дозвола за вработување од страна на работодавачот, сезонска дозвола за работа,
• Помош, советување и водење на постапката за добивање македонско државјанство;
• Основање на странски фирми и подружници,
• Признавање на странски квалификации и дипломи,
• Застапување пред надлежни институции.